شاہ سلمان بن عبدالعزیز نے پاکستان میں چالیس تعلیمی منصوبوں کیلئے تیس ملین ریال دینے کا اعلان کر دیا..

سعودی فرمانروا خادم حرمین شریفین شاہ سلمان بن عبدالعزیز نے پاکستان میں 40 تعلیمی منصوبوں کے قیام کی منظوری دی ہے۔ خادم حرمین شریفین امدادی مہم پاکستان کے ریجنل ڈائریکٹر خالد عثمانی نے سعودی خبررساں ایجنسی سے گفتگو میں کہا کہ سلمان بن عبدالعزیز انسانیت کی فلاح و بہبود کے لئے مختلف ممالک میں مقیم مستحق اور ضرورت مند لوگوں کی امداد میں ہمیشہ پیش پیش رہتے ہیں۔ اس ضمن میں شاہ سلمان بن عبدالعزیز نے پاکستان کے مختلف علاقوں میں قدرتی آفات سے متاثر ہونے والوں کی امداد اور داد رسی کے لئے مختلف منصوبوں کا اعلان کیا ہے جس میں سرفہرست 40 تعلیمی منصوبوں کا قیام ہے اس ضمن میں امدادی مہم کی سربراہی شاہ محمد بن نائف کریں گے۔انہوں نے مزید تفصیلات میں کہا کہ تعلیمی منصوبے پنجاب اور آزاد کشمیر کے مختلف علاقوں میں شروع کئے جائیں گے جن میں سکولوں اور تعلیمی سنٹرز کا قیام ہے۔ ان منصوبوں پر 30 ملین سعودی ریال لاگت آئے گی۔ انہوں نے مزید بتایا کہ گزشتہ برسوں میں آزاد کشمیر اور پنجاب کے مختلف علاقوں میں قدرتی آفات سے ہونے والی تباہی کے نتیجے میں کئی تعلیمی ادارے تباہ ہوگئے تھے جس کا اثر طلب پر پڑرہا ہے۔ان منصوبوں کے قیام سے مستحق طلبا کو تعلیم کے لئے بہتر ماحول ملے گا۔ شاہ سلمان امدادی منصوبوں کے تحت سکولوں کی تعمیر اور ان میں ضروری اشیاءجن میں فرنیچر اور تختہ سیاہ کی فراہمی بین الاقوامی معیار کے مطابق کی جائے گی۔ تاکہ طلبا کو بہتر انداز میں تعلیمی سہولتیں میسر آسکیں۔ درسگاہوں میں کمپیوٹر لیب، لیبارٹریز اور لائبریریاں بھی قائم کی جائیں گی۔ ڈاکٹر عثمان نے مزید بتایا کہ پرائمری، سکینڈری اور ثانوی تعلیمی ادارے قائم کئے جائیں گے۔ ان کے علاوہ ٹیکنیکل کالجز بھی اس مہم کا حصہ ہیں۔

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s