پہلی ملاقات،.لڑکا لڑکی نے اکٹھے سینما میں فلم دیکھنے کا فیصلہ کرلیا، فلم کے دوران لڑکی نے ایسی حرکت کردی کہ لڑکے نے عدالت میں مقدمہ کردیا، کیا کیا تھا؟ جان کر آپ کی بھی ہنسی نہ رُکے گی

سان فرانسسکو (نیوز ڈیسک) صنف نازک سے پہلی ملاقات ہو تو نوجوان ہر طرح کی ناز برداری کیلئے تیار ہوتے ہیں، لیکن ایک برطانوی نوجوان کے ساتھ پہلی ملاقات میں ہی لڑکی نے ایسا کام کر ڈالا کہ وہ سب آداب ایک جانب رکھتے ہوئے شکایت لے کر عدالت جا پہنچا۔

lop666
سٹیٹس مین کی رپورٹ کے مطابق 37 سالہ برینڈن ویزمر ایک لڑکی کو پہلی ملاقات کے موقع پر فلم دیکھنے کیلئے اپنے ساتھ لے کر گیا لیکن جب لڑکی نے فلم دیکھنے کے دوران ٹیکسٹ میسجنگ شروع کر دی تو وہ اتنا برہم ہوا کہ اس کے خلاف شکایت لے کر عدالت چلا گیا۔ اس نے اپنی درخواست میں کہا کہ ”لڑکی کا رویہ تھیٹر پالیسی کی خلاف ورزی تھا۔ اس کی وجہ سے مجھے اور دیگر لوگوں کو کوفت کا سامنا کرنا پڑا جبکہ یہ رویہ ایک مہذب معاشرے کیلئے بھی خطرہ ہے۔“ برینڈن نے لڑکی کے خلاف 17.31 ڈالر تقریباً (تقریباً 1800 پاکستانی روپے) ہرجانے کا دعویٰ کردیا ہے ۔ یہ رقم سینمے کی ٹکٹ کی رقم کے برابر ہے۔ مقامی میڈیا نے جب لڑکی سے رابطہ کیا تو اس نے حیرانی کا اظہار کرتے ہوئے کہا ”اوہ مائی گاڈ! وہ شخص پاگل ہے۔“

برینڈن نے اپنی درخواست میں کہا ہے کہ فلم کو شروع ہوئے ابھی 15 منٹ ہی ہوئے تھے کہ لڑکی نے ٹیکسٹ میسجنگ شروع کردی۔ اس نے اگلے 15 منٹ میں میسج پڑھنے اور بھیجنے کے لئے اپنے فون کو 10 سے 20 مرتبہ آن، آف کیا۔ برینڈن کا کہنا ہے کہ اس نے لڑکی کو یہ کام کرنے سے منع کیا لیکن وہ باز نہ آئی جس پر برہم ہوکر کہا کہ اگر اس نے ٹیکسٹ میسجنگ کرنی ہے تو کچھ دیر کیلئے باہر چلی جائے۔ برینڈن کے مطابق لڑکی اٹھ کر باہر گئی اور پھر کبھی واپس نہیں آئی۔
وہ لڑکی کے ساتھ اسی کی گاڑی میں بیٹھ کر سینما آیا تھا، اور اب اسے واپسی کا بندوبست بھی خود ہی کرنا تھا۔ اس کا کہنا تھا کہ اس نے بعدازاں لڑکی سے رابطہ کیا اور اسے کہا کہ وہ ٹکٹ کے پیسے اسے واپس کردے لیکن اس نے انکار کردیا۔ لڑکی کا کہنا ہے کہ برینڈن ٹکٹ کے پیسے واپس لینے کیلئے اس کی چھوٹی بہن سے بھی رابطہ کرنے کی کوشش کر رہا ہے اور اب وہ خود بھی اس کے خلاف شکایت لے کر جانے والی ہے۔

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s