جنگل کے سفاک درندے،،2 نوجوان لڑکیاں اور 14لڑکے۔۔۔ سوشل میڈیا پر ایسی شرمناک ترین ویڈیو وائرل ہوگئی کہ طوفان برپاہوگیا، دیکھ کر ہی ہر انسان شرم سے پانی پانی ہوجائے

ٹائمز آف انڈیا کی رپورٹ کے مطابق یہ لرزہ خیز واقعہ ریاست اترپردیش کے ایک گاﺅں میں پیش آیا جہاں راہ چلتی دو لڑکیوں کو درجن بھر غنڈوں کے ایک گروہ نے گھیر لیا اور سرعام ان کی عزت سے کھیلتے رہے۔ رام پور شہر کے گاﺅں کوا کھیڑا میں پیش آنیوالے اس انسانیت سوز واقعے کی ویڈیو میں دیکھا جا سکتا ہے کہ دو لڑکیاں اور ان کے ساتھ ایک کمسن لڑکا ایک سڑک سے گزر رہے ہیں اور ان کے اردگرد 14 لڑکے جمع ہیں۔ یہ بدمعاش سب کے سامنے لڑکیوں کے جسم نوچ رہے ہیں۔ وہ کبھی ان کے جسم کو چھوتے ہیں اور کبھی ان کے بوسے لیتے ہیں اور حتیٰ کہ انہیں بازﺅوں میں اٹھا کر کھلے عام بے حیائی کرتے ہیں۔ لڑکیوں کی دردناک چیخیں بھی سنائی دیتی ہیں اور ان کی عزت سے کھیلنے والوں کے شیطانی قہقہے بھی۔ وہ غنڈوں سے فریاد کرتی ہیں کہ انہیں جانے دیا جائے لیکن وہ باز نہیں آتے۔ یہ بات بھی ناقابل یقین حد تک شرمناک ہے کہ اس دوران گاﺅں کے متعدد افراد کو وہاں سے گزرتے دیکھا جا سکتا ہے، لیکن کوئی بھی لڑکیوں کی مدد کی کوشش نہیں کرتا۔

سرعام لڑکیوں کی عزت سے کھیلنے والے وحشی درندوں نے یہ ویڈیو بھی خود ہی بنائی اور پھر گزشتہ روز اسے فیس بک پر بھی پوسٹ کر دیا۔ ان کی دیدہ دلیری اور بے خوفی کا عالم دیکھئے کہ سرعام دو لڑکیوں کی عزت پر حملہ کرنے کے باوجود انہیں اس بات میں کوئی ہچکچاہٹ محسوس نہیں ہوئی کہ انہوں نے اپنے بھیانک جرم کی ویڈیو خود ہی انٹرنیٹ پر پوسٹ کر دی۔ پولیس کا کہنا ہے کہ مرکزی ملزم شاہ نواز کو گرفتار کر لیا گیا ہے جبکہ نوید ، فرمان، جہان عالم، اور صدام سمیت دیگر ملزمان کی تلاش جاری ہے۔
اس واقعہ پر ایک بار پھر پورے بھارت میں ہنگامہ برپا ہے، لیکن یاد رہے کہ بھارتی دارلحکومت میں چلتی بس میں اجتماعی زیادتی کے بعد قتل کر دی جانے والی لڑکی کا واقعہ ہو یا گینگ ریپ کے بعد قتل کر کے درخت کے ساتھ لڑکائی جانے والی نوعمر بہنوں کا واقعہ، بھارت میں یہ لرزہ خیز جرائم اور ان پر وقتی شور و غل اب معمول کی بات بن گئی ہے۔

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s