20 سال تک بیوی سے بات نہ کرنے والا جاپانی شوہر

ٹوکیو: تین بچوں کے باپ جاپانی شخص نے گزشتہ دو دہائیوں سے ایک ہی گھر میں رہنے کے باوجود اپنی بیوی سے آج تک ایک لفظ نہیں کہا لیکن اب ایک ٹی وی چینل کی مداخلت پر اس نے اپنی بیوی سے پہلی مرتبہ بات کی ہے۔

جاپان کا رہائشی اوکو کاٹایامہ نامی یہ شخص گزشتہ 20 برس سے اپنی بیوی سے کوئی بات نہیں کررہا تھا اور بیوی کے سوالات پر سر ہلاتا یا پھر ہاں اور ہوں کرتا ہے۔ اس غیرمعمولی صورتحال کا انکشاف اس کے 18 سالہ بیٹے نے ایک ٹی وی شو میں کیا اور جاپانی عوام سے کہا کہ وہ اس کے والدین کی گفتگو معمول پر لانے میں مدد کریں۔

اوکو کے بیٹے نے ٹی وی کو تحریر لکھی جس میں کہا کہ اس کے والد بہت جلد ریٹائر ہونے والے ہیں اور ڈر ہے کہ اس سے ان کے والدین کے تعلقات مزید متاثر ہوں گے اور معاملہ طلاق تک جاپہنچے گا۔ اوکو کی بیگم اور بچے خاندان میں اس تنازعے سے واقف ہیں لیکن کئی برس بعد بھی وہ اس کی وجہ جاننے سے قاصر ہیں۔

1483695573_339_20-سال-تک-بیوی-سے-بات-نہ-کرنے-والا-جاپانی-شوہر

بیٹے کے خط کے بعد ٹی وی نے شہر کے عوامی پارک میں ان دونوں میاں بیوی کی ملاقات کرائی اور ان کے بچوں کے ساتھ دور بیٹھ کر دونوں میاں بیوی کی گفتگو سنی۔ دلچسپ بات یہ ہے کہ 20 سال بعد اوکو نے خاموشی توڑی اور بیگم سے کہا ’’آخر کتنا عرصہ ہوگیا کہ ہم نے کوئی بات نہیں کی، ہاں میں مذاق نہیں کررہا۔‘‘

یہ منظر دیکھ کر ان کے بچے آبدیدہ ہوگئے۔ اس کے بعد اس نے بہت عرصے تک خاموش رہنے کی وجہ بتاتے ہوئے کہا کہ ’‘آپ کو بچوں کی غیرمعمولی فکر رہتی تھی اور مجھے اس سے حسد و جلن محسوس ہوتی تھی لیکن اب میں واپس نہیں پلٹوں گا۔‘‘

ماہرینِ نفسیات کے مطابق بچوں کی پیدائش کے بعد عورت کی توجہ اولاد کی تربیت پر ہوتی ہے لیکن کچھ شوہر اسے قبول نہیں کرپاتے جس سے گھریلو جھگڑے جنم لیتے ہیں۔

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s