بیٹی نے جیسے ہی ویڈیو دیکھی تو پولیس کو کال ملالی، فوراً اپنے باپ اورآنٹی کو گرفتار کروادیا، ویڈیو میں ایسا کیا تھا؟ جانئے

لندن (نیوز ڈیسک)انسان اپنے پیاروں کی محبت میں اکثر اوقات اخلاقی اصولوں پر سمجھوتہ کرنے کیلئے تیار ہوجاتا ہے لیکن ایک نوعمر برطانوی لڑکی نے چوری کے مرتکب ہونے والے اپنے ہی والد کو پولیس کے حوالے کرکے دیانتداری اور فرض شناسی کی نئی مثال قائم کردی۔
میل آن لائن کی رپورٹ کے مطابق پولیس کی جانب سے فیس بک پر ایک ویڈیو جاری کی گئی تھی جس میں ایک مرد اور خاتون کو ایک معمر خاتون کے گھر سے سامان چراتے ہوئے دکھایا گیا تھا۔ پولیس نے اپیل کی تھی کہ کوئی بھی ان لوگوں کو جانتا ہو تو اطلاع کرے۔ یہ ویڈیو 19 سالہ لڑکی کورا پیٹرسن نے بھی دیکھی۔ کورا کو پہلے تو یہ دیکھ کر شدید صدمہ پہنچا کہ ویڈیو میں نظر آنے والا شخص اس کا باپ کولن پیٹرسن تھا جبکہ اس کے ساتھ موجودخاتون اس کی آنٹی جنین پیٹرسن تھیں۔ ان لوگوں نے مارلین سٹاٹ نامی معمر خاتون کے گھر میں 14مارچ کے روز چوری کی تھی۔
کورا نے یہ ویڈیو دیکھتے ہی وہ فیصلہ کر لیا کہ جس کی تعریف بولٹن کراﺅن کورٹ کا جج بھی کئے بغیر نہ رہ سکا۔ اس نے اپنے والد اور آنٹی کو ویڈیو میں دیکھنے کے بعد پولیس سے رابطہ کرلیا اور انہیں بتایا کہ وہ ان دونوں مجرموں کے بارے میں جانتی ہے۔ اس کی دی گئی تفصیلات پر کارروائی کرتے ہوئے پولیس نے کولن پیٹرسن اور جنین پیٹرسن کو گرفتار کرلیا۔ پولیس کا کہنا ہے کہ کولن اس سے پہلے بھی چوری کی 34 وارداتوں میں ملوث رہا ہے۔ عدالت نے اسے 4سال جبکہ جنین کو اڑھائی سال قید کی سزا سنائی ہے۔


کورا نے اس واقعے کے متعلق دی سن سے بات کرتے ہوئے بتایا ”اپنے باپ کو جیل پہنچانا میری زندگی کا مشکل ترین فیصلہ تھا لیکن میں سمجھتی ہوں میں نے ٹھیک کیا ہے۔ اسے معمر خاتون کے گھر میں چوری کرتے ہوئے دیکھ کر مجھے سخت غصہ آیا تھا اور شرمندگی بھی محسوس ہوئی تھی۔ مجھے احساس ہوا کہ وہ انتہائی خود غرض شخص ہے۔ میں نے کچھ سوچ بچار کیا اور پھر باپ کی محبت کو ایک طرف رکھتے ہوئے اسے ایک مجرم سمجھتے ہوئے پولیس کو اطلاع کردی۔“

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s