پاکستان کے مشہور ڈرامہ ہمسفر سے شہرت پانے والی اداکارہ ماہرہ خان نے بیروت انٹرنیشنل ایوارڈ فیسٹیول کی تقریب میں شرکت کی جہاں انہیں ایوارڈ سے بھی نوازا گیا۔
ڈراموں سے اپنی جاندار اداکاری کی بدولت فلمی دنیا میں قدم رکھنے والی اداکارہ ماہرہ خان تیزی سے ترقی کی منازل طے کر رہی ہیں۔
بھارتی فلم نگری میں خوب شہرت حاصل کرنے کے بعد اب انہیں لبنان کے 8ویں بیروت انٹرنیشنل ایوارڈ فیسٹیول کی تقریب میں خصوصی طور پر مدعو کیا گیا جہاں ان کی صلاحیتوں کا اعتراف کرتے ہوئے انہیں ایوارڈ سے نوازا گیا۔
ماہرہ خان نے سماجی رابطے کی ویب سائٹ ٹوئٹر پر بیروت انٹرنیشنل فیسٹیول کی تقریب کی چند ایک تصاویر اور ویڈیو شیئر کی جس میں انہیں ایوارڈ حاصل کرتے ہوئے دیکھا جاسکتا ہے۔
Advertisements
