بالی ووڈ کے کنگ کا ”تاج“ شاہ رخ خان سے چھن گیا

ممبئی(شوبز ڈیسک)شاہ رخ خان، سلمان خان اور عامر خان گزشتہ تین دہائیوں سے بھارتی فلم انڈسٹری پر راج کر رہے ہیں اور تینوں ہی اپنی منفرد اداکاری اور اسٹائل کی وجہ سے کروڑوں لوگوں کے دلوں میں بستے ہیں۔ان میں شاہ رخ خان کو بالی ووڈ کے کنگ، سلمان خان کو دبنگ خان اور عامر خان کو مسٹر پرفیکشنسٹ کے ناموں سے جانا جاتا ہے تاہم غیر ملکی خبر رساں ایجنسی نے اپنی تجزیاتی رپورٹ میں یہ دعویٰ کیا ہے کہ بالی ووڈ کے ”کنگ“ کا تاج اب شاہ رخ خان سے چھن کر عامر خان کے سر سج چکا ہے۔رپورٹ کے مطابق شاہ رخ اور سلمان خان کے مقابلے میں عامر خان گزشتہ کئی برسوں سے مسلسل ہٹ فلمیں دیتے آرہے ہیں جبکہ شاہ رخ اور سلمان کی ہٹ فلموں کا گراف تیزی سے نیچے آ رہا ہے لہٰذا یہ کہنا بالکل بھی غلط نہیں ہو گا کہ کنگ خان کہلانے کے اب حقدار عامر خان ہیں۔

ایک جانب جہاں عامر خان کی فلم دنگل بالی ووڈ کے تمام ریکارڈ پاش پاش کر رہی ہے وہیں دوسری جانب سلمان خان کی نئی فلم ٹیوب لائٹ اچھا بزنس کرنے میں ناکام رہی جبکہ شاہ رخ خان بھی 2013 میں ریلیز ہونے والی فلم ”چنئی ایکسپریس“ کے بعد کوئی ہٹ فلم دینے میں ناکام رہے ہیں۔ فلموں کی تجارت سے وابستہ تجزیہ کار رمیش بالا کہتے ہیں کہ ویسے تو تینوں خانز ہمیشہ ایک دوسرے کو ٹکر دیتے آئے ہیں تاہم جہاں تک فلموں کی کامیابی کی بات ہے تو عامر خان دونوں خانوں سے کہیں آگے نکل چکے ہیں۔فلم ڈسٹریبیوٹر اکشے راتھی کہتے ہیں کہ سلمان اور شاہ رخ کے مقابلے میں عامر خان فلموں کے انتخاب میں انتہائی احتیاط سے کام لیتے ہیں اور ایسی فلموں میں کام کرنے کو ہی ترجیح دیتے ہیں جو بھارتی فلم بینوں کے دلوں سے قریب ہوتی ہیں اور یہی ان کی کامیابی کا راز بھی ہے. اس کے برعکس سلمان خان اور شاہ رخ خان کی ہر برس ایک فلم ضرور ریلیز ہوتی ہے اور زیادہ فلمیں کرنے کی وجہ سے ناکامیوں کا خطرہ بھی بڑھ جاتا ہے۔اکشے راتھی کا کہنا ہے کہ بحیثیت اسٹار عامر خان کے مداحوں کی تعداد ممکن ہے کہ شاہ رخ اور سلمان خان سے کم ہو لیکن عامر خان پر ان کے مداحوں کو بھروسہ ہے، وہ سمجھتے ہیں کہ عامر خان جس فلم میں بھی ہوں گے اس میں کچھ نیا اور مختلف ہوگا۔ یاد رہے کہ دنگل سے قبل عامر خان کی فلم ”پی کے“ اور ”تھری ایڈیٹس“ بھی سپر ہٹ ثابت ہوئی تھیں اور ان دونوں فلموں میں بھی دیکھنے والوں کے لئے ایک مثبت پیغام پنہاں تھا۔

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s