لیڈی ڈیانا شوہر شہزادہ چارلس کے بجائے کس کو چاہتی تھیں؟

برطانیہ کا ایک ٹیلی ویژن چینل شہزادی لیڈی ڈیانا کے بارے میں ایک نئی دستاویزی فلم نشر کررہا ہے۔اس میں وہ ویڈیو ٹیپس بھی شامل ہیں جن میں شہزادی ڈیانا نے اپنی ازدواجی زندگی کو درپیش مسائل اور شاہی خاندان کے ساتھ اپنے کشیدہ تعلقات پر گفتگو کی تھی۔

آنجہانی ڈیانا نے 1990ء کے عشرے کے اوائل میں اپنے وائس کوچ کو یہ ویڈیو ٹیپس ریکارڈ کرائی تھیں۔ان میں انھوں نے شہزادہ چارلس سے تعلقات ، پھر شادی اور ازدواجی زندگی کے مسائل کو تفصیل سے بیان کیا تھا۔انھوں نے یہ بھی بتایا تھا کہ جب انھوں نے برطانیہ کی ملکہ ایلزبتھ دوم سے اپنی ناکام شادی کے بارے میں مشورے کے لیے گفتگو کی تو انھوں نے کیا ردعمل ظاہر کیا تھا۔

uyf.jpg

شہزادی ڈیانا کا کہنا تھا کہ انھیں ملکہ نے یہ جواب دیا تھا:’’ میں کچھ نہیں جانتی کہ تمھیں کیا کرنا چاہیے‘‘۔ڈیانا نے خود کو ایک شخص سے بہت گہری محبت ہوجانے کے بارے میں بھی گفتگو کی تھی۔اس شخص کے بارے میں یہ خیال کیا جاتا ہے کہ وہ ان کی حفاظت پر مامور افسر بیری ماناکی تھا۔

ytr.jpg

لیڈی ڈیانا کی ریکارڈ شدہ اس گفتگو کے بعض حصے 2004ء میں امریکا میں نشر کیے گئے تھے لیکن برطانیہ میں اس سے قبل کبھی یہ ریکارڈنگ نشر نہیں کی گئی ہے۔اب یہ ڈاکومینٹری اتوار کو برطانیہ کے چینل چار سے نشر کی جارہی ہے۔

ikuy.jpg

یادرہے کہ لیڈی ڈیانا پیرس میں 31 اگست 1997ء کو ایک کار حادثے میں ہلاک ہوگئی تھیں۔اس وقت ان کے ساتھ کار میں سوار ایک کروڑ پتی مصری ڈوڈی الفائد بھی ہلا ک ہوگئے تھے۔اس حادثے میں ان کی ناگہانی موت کے بارے میں اب تک مختلف کہانیاں منظرعام پر آچکی ہیں اور برطانیہ کی خفیہ ایجنسی ایم آئی6 کے ایک سابقہ افسر نے کچھ عرصہ قبل ایک گفتگو میں یہ دعویٰ کیا تھا کہ لیڈی ڈیانا کی کار کو حادثہ پیش نہیں آیا تھا بلکہ انھیں قتل کیا گیا تھا لیکن ان کی کار کی بڑے پُر اسرار انداز میں تباہی کو حادثے کا نام دے دیا گیا تھا۔

اس طرح اچانک موت سے قبل لیڈی ڈیانا اکثر ڈوڈی الفائد کے ساتھ دیکھی جاتی تھیں اور یہ بھی افواہیں زیر گردش رہی تھیں کہ وہ شہزادہ چارلس سے طلاق لینے کے بعد ان سے شادی کرنے والی تھیں لیکن ان کی ناگہانی موت کے ساتھ ہی یہ تمام افواہیں بھی دم توڑ گئی تھیں۔

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s