اوگرا کا گھریلو صارفین کیلئے گیس 214 فیصد تک مہنگی کرنے کا فیصلہ

 اوگرا نے گیس کی قیمتوں میں اضافے کا فیصلہ جاری کرتے ہوئے اسے وفاقی حکومت کو بھجوادیا ہے۔ جس کے تحت گھریلو صارفین کو گیس 214 ، تندور صارفین کے لئے 245 جب کہ کمرشل صارفین اور سی این جی سیکٹر کے لئے 31 فیصد جب کہ فرٹیلائزر سیکٹر کے لئے گیس 153 فیصد تک مہنگی ہوگی اور اس کا اطلاق یکم جنوری 2020 سے ہوگا۔

گھریلو صارفین کے لیے 50 یونٹ ماہانہ استعمال کرنے پر گیس کے نرخ 121 سے بڑھا کر 380 روپے فی ایم ایم بی ٹی یو، 100یونٹ والے صارفین کے لئے گیس کے نرخ 300 سے بڑھ 353 روپے فی ایم ایم بی ٹی یو ہوجائیں گے۔

اوگرا نے ماہانہ 200 یونٹ سے زائد استعمال کرنے والے صارفین کے لیے گیس سستی کرنے کا فیصلہ کیا ہے۔ ماہانہ 200 سے 300 یونٹ والوں کے لئے گیس 553 روپے سے کم کرکے 530 روپے، 300 یونٹ والے صارفین کے لیے گیس 738روپے سے کم کرکے 706 روپے فی ایم ایم بی ٹی یو ہوگی،

دوسری جانب ماہانہ 400 یونٹ والے صارفین کے لئے گیس1107 روپے سے بڑھا کر 1273روپے فی ایم ایم بی ٹی یو ہوگی۔

واضح رہے کہ موجودہ دور حکومت میں پہلے ہی بجلی اور گیس کے نرخوں میں ہوش ربا اضافہ ہوچکا ہے جس کی وجہ سے اسے تنقید کا نشانہ بھی بنایا جاتا ہے۔

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s