پاکستانی اداکارہ منشا پاشا اور سماجی کارکن اور وکیل جبران ناصر نے آج اپنی منگنی کی تقریب سے سال 2019 کو زندگی کا یادگار سال بنادیا۔
کراچی میں منعقد ہونے والی منگنی کی تقریب میں منشا پاشا اور جبران ناصر نے ایک دوسرے کو انگوٹھیاں پہنائیں۔
اس موقع پر منشا پاشا نے چاندی کے زیورات کے ساتھ گلابی رنگ کا جوڑا زیب تن کیا جبکہ جبران نے سفید رنگ کے شلوار کُرتہ کے ساتھ اجرک اور ایک منفرد شال پہن رکھی تھی۔
گزشتہ دنوں دونوں کے منگنی کا دعوت نامہ سوشل میڈیا پر وائرل ہوا تاہم ساتھ ہی قریبی ذرائع نے خبر کی تصدیق بھی کردی ۔
یاد رہے کہ گزشتہ سال کامیڈین فائزہ سلیم کی شادی کے موقع پر جبران اور منشا کی ڈانس کی ویڈیو سوشل میڈیا پر وائرل ہوئی تھی جس کے بعد دونوں کے تعلقات کے افواہوں نے گردش کی لیکن دونوں نے کبھی بھی عوامی سطح پر اپنے تعلق پر بات چیت نہیں کی ۔
