روٹھے ہیری اورمیگھن کو کیسے منائیں؟ ملکہ نے اہم اجلاس بلا لیا

برطانوی شہزادہ ہيری اور اہلیہ ميگھن کو منانے کیلئے ملکہ برطانيہ نے خاندان کے بڑوں کا اجلاس بلاليا۔

برطانوی میڈیا سے جاری اطلاعات کے مطابق اجلاس میں ملکہ برطانیہ کے شوہر پرنس فلپ بھی شامل ہوں گے۔ شہزادی ميگھن کو فون کے ذريعے بيٹھک ميں شامل کيا جائے گا۔

شاہی جوڑے کی علیحدگی کے معاملے پر ملکہ اور خاندان تشویش میں مبتلا ہيں۔ رواں ہفتے ہونے والے شاہی خاندان کے افراد اجلاس میں اہم موضوع پر مشاورت کی جائے گی۔

 The couple announced they were stepping down as senior royals and moving to North America

دوسری جانب برطانوی میڈیا نے دعویٰ کیا ہے کہ شہزادی میگھن کو بھی بذریعہ فون اجلاس میں شامل کیا جائے گا۔ واضح رہے کہ 9 جنوری کو شاہی جوڑے نے انسٹا گرام پر شاہی خاندان سے علیحدگی کا اعلان کيا تھا۔ شہزادہ ہيری اور ميگھن بیٹے کے ہمراہ اس وقت کينيڈا ميں موجود ہيں۔

کرسمس بھی علیحدہ منائی

اس سے قبل ملکہ برطانیہ اور شہزادہ چارلس نے روٹھے شہزادہ ہیری سے فون پر بات کی۔ شہزادے نے کینیڈا میں مقیم ہونے سے متعلق اپنے فیصلے سے شاہی خاندان کو براہ راست آگاہ نہیں کیا تھا۔ ملکہ کو ہیری کے فیصلے کا ٹی وی پر خبروں سے پتا چلا۔ برطانوی میڈیا کے مطابق شہزادہ ہیری کینیڈا منتقل ہونے پر قریبی دوستوں سے مشورہ کرتے رہے تھے۔

مجسمے ہٹا دیئے

ادھر مادام تساؤمیں پرنس ہیری اور میگھن کے مجسمے شاہی خاندان سے الگ کردیے گئے، جب کہ شہزادہ چارلس نے شاہی جوڑے کو خبردار کیا تھا کہ انہیں 23لاکھ پاؤنڈ سالانہ رقم بند کی جاسکتی ہے، ہیری اور میگھن مارکل کی مالی آمدنی کا ذریعہ کیا ہوگا؟ واضح نہیں۔

روسی ارب پتی نے مدد کردی

میڈیا رپورٹس کے مطابق جوڑے کیلئے روسی ارب پتی نے11 لاکھ ڈالر مالیت کا گھر انہیں دیا ہے، تاہم ہیری اورمیگھن نے ارب پتی روسی کا نام بتانے سے انکار کیا۔

شاہی جوڑے کا خرچہ

شہزادے کی سیکیورٹی پر اب بھی برطانوی عوام کو 6 لاکھ پاؤنڈ سالانہ خرچ کرنا پڑیں گے۔ شہزادہ ہیری اورمیگھن کے سفر پر سوا لاکھ پاؤنڈ علیحدہ ہوں گے، انہیں سوا 2 ملین پاؤنڈ شہزادہ چارلس کی چیریٹی سے آمدنی ہوگی۔

سیکیورٹی خطرہ

برطانوی میڈیا کا یہ بھی کہنا ہے کہ شاہی خاندان کے سابق محافظ نے خبردار کیا کہ ہے کہ وہ لیڈی ڈیانا سے سبق سیکھیں۔ ایک سابق محافظ نے سیکیورٹی کے لیے اسکاٹ لینڈیارڈ پر بھروسہ برقرار رکھنے کا مشورہ دیا ہے۔ میڈیا رپورٹس میں کہا گیا ہے کہ کم سیکیورٹی کی وجہ سے لیڈی ڈیانا کی موت ہوئی تھی۔

واضح رہے کہ گریٹر وکٹوریہ کے وینکوور جزیرے پر 6 ہفتے کرسمس کی تعطیلات گزارنے کے بعد میگھن اور شہزادہ ہیری علیحدگی کا اعلان کرنے کے لیے برطانیہ گئے تھے۔

کینیڈین ذرائع ابلاغ کے مطابق چھٹیوں کے دوران شاہی جوڑے کو وکٹوریہ سے باہر جنگل میں پہاڑوں پر چڑھتے دیکھا گیا۔ موسیقار ڈیوڈ فوسٹر جو اسی علاقے سے تعلق رکھتے ہیں، انھوں نے ڈیلی میل کو بتایا تھا کہ انھوں نے اپنے دوست کی ویران جائیداد پر شاہی جوڑے کے رہنے کا انتظام کرنے میں مدد کی۔ ان کی اہلیہ کیتھرین میک فی، لاس اینجلس میں میگھن کے ساتھ سیکنڈری سکول جاتی تھیں۔

میگھن کی ایک قریبی دوست، جیسکا مولرونی، سابق وزیراعظم کے بیٹے بین ملرونی کے ساتھ ٹورنٹو میں رہتی ہیں۔ یہاں تک کہ ان کے 3 چھوٹے بچے شہزادہ ہیری اور میگھن کی شادی کی تقریب میں بھی شامل تھے۔

ایسی قیاس آرائیاں کی جا رہی ہیں کہ اس ہفتے میگھن اور شہزادہ ہیری کے برطانیہ دورے کے دوران شہزادہ آرچی نے مولرونی خاندان کے ساتھ قیام کیا لیکن ان قیاس آرئیوں کی تصدیق نہیں کی جا سکی۔

کینیڈا کو اپنا گھر بنانے والا یہ پہلا شاہی جوڑا نہیں ہوگا۔

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s