کراچی: گزشتہ روز کراچی کے مقامی ہوٹل میں تعارفی تقریب کا اہتمام کیا گیا، جس میں موسیقی کے اس سب سے بڑے رئلیٹی شو کے آفیشل ججوں میں فواد خان، عاطف اسلم، میشا شفیع، شاہی حسن اور فاروق احمد شامل تھے،پریس کانفرنس میں فواد خان نے بات کرتے ہوئے کہا کہ موسیقی کے شو کا جج بننا آسان کام نہیں ہے لیکن جتنا میرا تجربہ ہے اس کی روشنی میں بہترین ٹیلنٹ کو آگے لانے کی کوشش کریں گے۔عاطف اسلم نے کہا کہ یہ شو پاکستانی موسیقی کو ایک نئی جہت دے گی۔ معروف اداکارہ، گلوکارہ اور ماڈل عائشہ عمر آٹھ اقساط پر مبنی اس پروگرام کی میزبانی کے فرائض انجام دے رہی ہیں۔ کل چھتیس بینڈز کو مقابلے میں شرکت کے لیے منتخب کیا گیا۔ شو کا یہ سیزن آٹھ اقساط پر مبنی ہے۔ ان میں کشمیر، درویش، روٹس، بدنام، اورا، میڈ لاک، شجر اور جسیم شامل ہیں۔