سپریم کورٹ آف پاکستان کے سابق جج عظمت سعید شیخ لاہور میں انتقال کر گئے۔ جسٹس ریٹائرڈ عظمت سعید شیخ کچھ عرصے سے علیل اور ہسپتال میں زیر علاج تھے۔
تفصیلات کے مطابق عظمت سعید شیخ 2019 تک سپریم کورٹ میں بطور جج تعینات رہے۔ سپریم کورٹ تعیناتی سے قبل وہ لاہور ہائیکورٹ کے چیف جسٹس تھے۔جسٹس (ر) عظمت سعید پانامہ لیکس کیس سننے والے بینچ کا حصہ بھی رہے۔
“جنگ ” کے مطابق عظمت سعید نے ایل ایل بی ڈگری کی تکمیل کے بعد 1978 ءمیں راولپنڈی میں اپنے کیریئر کا آغاز کیا۔ 1981ء میں وہ لاہور ہائی کورٹ اور سپریم کورٹ آف پاکستان کے ایڈووکیٹ کے طور پر شامل ہوئے۔ یکم جون 2012 کو سپریم کورٹ کے مستقل جج کی حیثیت سے حلف اٹھایا اور جولائی 2019 ءمیں قائم مقام چیف جسٹس آف پاکستان کا عہدہ سنبھالا تھا۔
Pak Todays 