ثناء جاوید اور ثناء بچہ کے درمیان عید الفطر پر سخت مقابلہ ہو گا

لاہور.   اپنے کیریئر میں پہلی مرتبہ بطور ہیروئن کام کرنے والی اداکارائوں ثناء جاوید اور ثناء بچہ کے درمیان عید الفطر پر سخت مقابلہ ہو گا ۔ تفصیلات کے مطابق اداکارہ ثناء بچہ کی عید الفطر پر فلم ’’ یلغار ‘‘ ریلیز ہو رہی ہے جس میں وہ ہیروئن کا کردار ادا کر رہی ہیں جبکہ اداکارہ ثناء جاوید کی فلم ’’مہرو النساء وی لب یو ‘‘ سینما گھروں کی زینت بنے گی جس میں وہ دانش تیمور کے مدمقابل ہیروئن کا کردار ادا کر رہی ہیں ۔

فلمی ناقدین کا کہنا ہے کہ عید الفطر پر دونوں ہیروئنوں کے درمیان مقابلہ ہو گا جس سے مستقبل میں فلم انڈسٹری کو نیا ٹیلنٹ میسر آسکے گا جس سے انڈسٹری کے فروغ میں مدد ملے گی اور سینئرز کا خلا بھی پر ہو سکے گا۔