”دی ٹائمز آف انڈیا “کے مطابق نئی دہلی کی 19سالہ لڑکی کو ایک ایجنسی کی جانب سے ماڈلنگ کی پیشکش اور 2لاکھ روپے اداکرنے کا مطالبہ کیا گیا جس پر اس نے سارا ماجرہ خوشی خوشی اپنے والدین کو بتایا اور پیسے بھی طلب کیے مگر انہوں نے پیسے دینے سے صاف انکار کر دیا جس کے بعد اس نے اپنے دوست کی مدد سے گھر میں چوری کرنے کا پلان بنایا ۔
ملزمہ نے اپنے دوست اور اس کے دوست کی مدد سے اپنے گھر سے 3لاکھ روپے اور 5لاکھ مالیت کے زیورات چرائے اور اپنے دوست کے گھر چلی گئی ۔
واقعے کے بعد لڑکی کی والدہ نے پولیس کو درخواست دیدی ، پولیس کو  دوران تفتیش انکشاف  ہوا ہے کہ خاتون کی بیٹی ماڈلنگ کرنا چاہتی تھی مگر والدین اسے سپورٹ کرنے سے انکاری تھے جس پر اس نے یہ منصوبہ تیار کیا ، تاہم پولیس نے ملزمان سے چوری شدہ رقم اور زیورات حاصل کر لیے ہیں ۔