لاہور: بالی ووڈ فلم’’ مام‘‘ کو پاکستان کے سینما گھروں میں ریلیز کرنے کی تیاری مکمل کر لی گئی جو کہ 7 جولائی کو پاکستان سمیت پوری دنیا میں نمائش کے لیے پیش کی جا رہی ہے۔ پاکستان کے دو معروف فن کار عدنان صدیقی اور سجل علی کی پہلی بالی ووڈ فلم مام کو پاکستان کے سینما گھروں میں ریلیز کرنے کی تیاری کر لی گئی جو کہ 7 جولائی کو پاکستان سمیت پوری دنیا میں نمائش کے لیے پیش کی جا رہی ہے۔ فلم کی کاسٹ میں بالی وڈ کے نمایاں ستارے شامل ہیں جن میں سری دیوی اور اکشے کھنہ کے علاوہ نواز الدین صدیقی کا خصوصی کردار بھی شامل ہے۔ فلم کی موسیقی بالی وڈ کے ممتاز موسیقار اے آر رحمن نے ترتیب دی ہے جب کہ یہ فلم سری دیوی کی 300ویں فلم بھی ہو گی جو کہ اس فلم میں ایک پرعزم ماں کے کردار میں جلوہ گر ہوں گی۔ واضح رہے کہ پاکستان میں اس فلم کی نمائش کے حقوق نجی چینل اورت ایور ریڈی نے حاصل کر لیے ہیں۔